21:25 Arafa kuni | |
|
#мағлыўмат Арафа күни Бул күнниң арафа деп аталыўына себеп, ҳажылар мине усы күнде Арафат таўында турыў әмелин орынлайды. Бул ҳаждың тийкарғы әмеллеринен саналады. Оны орынламаған адам ҳаж әмелин орынламаған болады. Арафат таўы мүқәддес орынлардан бири есапланады. Ол Адам алайҳис салам менен Ҳаўа анамыздың жердеги ушырасқан мәнзили екенлиги ҳаққында рәўиятлар бар. Бул таўдың "Арафат" (яғный, араб тилинен аўдармасы "билиў", "таныў") деп аталыўы Ибраҳим алайҳис салам менен байланыслы. Жәбрейил алайҳис салам Ибраҳим пайғамбарымызға ҳаж әмеллерин үйретип, усы мәнзилге келгенде бул жерди таныдың ба, яғный "арофта" деп сорайды. Себеби, Ибраҳим алайҳис салам бул жерге алдын келген еди. Әне усы ўақыя бул жердиң "Арафат" деп аталыўына себеп болады. Арафа күни, Арафат таўы, арафада турыў - бул атамалардың бәршеси мине усы ўақыя ҳәм әмеллер менен байланыслы жүзеге келген. Каналға ағза болыў ушын төмендеги силтемени басың! https://t.me/joinchat/AAAAAEUZPAm6wk-2LZebeQ | |
|
| |
| Всего комментариев: 0 | |